రైతు భరోసా నిధుల విడుదల… రాష్ట్రవ్యాప్తంగా రైతులకు భారీ ఊరట

రైతు భరోసా నిధుల విడుదల… రాష్ట్రవ్యాప్తంగా రైతులకు భారీ ఊరట

పినపాక నియోజకవర్గం, మార్చి 23: తెలంగాణ రాష్ట్ర ముఖ్యమంత్రి శ్రీ రేవంత్ రెడ్డి గారు చేపట్టిన రైతు సంక్షేమ కార్యక్రమాల్లో భాగంగా “రైతు భరోసా” పథకం నిధులను అధికారికంగా విడుదల చేశారు. ఈ కార్యక్రమం రాష్ట్రంలోని లక్షలాది మంది రైతులకు ఆర్థికంగా పెద్ద మద్దతుగా నిలవనుంది. ఈ పథకం కింద రాష్ట్రవ్యాప్తంగా సుమారు 70 లక్షల మంది రైతులకు ఖాతాల్లో మొత్తం రూ. 3,600 కోట్లను నేరుగా జమ చేయడం జరిగింది. ఇది రైతులకు కీలక ఆర్థిక బలాన్ని అందించే చారిత్రాత్మక నిర్ణయంగా భావిస్తున్నారు. పినపాక నియోజకవర్గ ఎమ్మెల్యే పాయం వెంకటేశ్వర్లు గారు  ఈ నిర్ణయాన్ని హృదయపూర్వకంగా స్వాగతిస్తూ ముఖ్యమంత్రికి కృతజ్ఞతలు తెలిపారు. రైతుల సంక్షేమం కోసం ప్రభుత్వం తీసుకుంటున్న చర్యలు అభినందనీయమని పేర్కొన్నారు. పంటల సాగుకు అవసరమైన ఆర్థిక సహాయం అందించడంలో ఈ నిధులు కీలక పాత్ర పోషిస్తాయని, రైతుల జీవనోపాధిని మెరుగుపరచడంలో ఇది ఎంతో ఉపయోగకరమని ఆయన అన్నారు. భవిష్యత్తులో కూడా రైతు సంక్షేమమే లక్ష్యంగా ప్రభుత్వం ముందుకు సాగుతుందని, రైతన్నల అభివృద్ధికి అన్ని విధాలా కట్టుబడి ఉందని తెలిపారు.